கடலூர் மாவட்டம், சிதம்பரம் அருகே குமராட்சியில் உள்ள தொடக்கப் பள்ளி ஒன்றில் 1 ஆம் வகுப்பு மாணவனை உடல்ரீதியாகத் துன்புறுத்தியதாகக் கூறி தமிழக அரசின் பள்ளிக் கல்வித் துறை ஆசிரியர் ஒருவர் நேற்று இடைநீக்கம் செய்யப்பட்டார்.

ஆசிரியை கண்ணகி, 1 ஆம் வகுப்பு மாணவனை தலை மற்றும் கைகளில் பலமுறை தடியடி நடத்திய விடியோ வைரலானது. விடியோவில் ஆசிரியர் மாணவனை கரும்பலகையில் கூட்டல் மற்றும் கழித்தல் செய்யச் சொல்லி பலமுறை அடித்துள்ளார். அதே வேளையில் மற்ற மாணவர்கள் அவர்களைப் பார்த்துக் கொண்டிருக்கும் போது ஆசிரியை கண்ணகி குழந்தையை எருமை என்று திட்டியுள்ளதாக விடியோவில் பதிவாகியுள்ளது.

இது குறித்து கடலூர் மாவட்ட முதன்மை கல்வி அலுவலர் எம்.ராமகிருஷ்ணன் கூறியதாவது:

விசாரணை நிலுவையில் உள்ள நிலையில் ஆசிரியை கண்ணகி பணியில் இருந்து இடைநீக்கம் செய்யப்பட்டுள்ளார். அதே வேளையில், ஆசிரியருக்கு எதிராக குழந்தையின் பெற்றோர் எந்த முறையீடும் செய்யவில்லை என்றும், குழந்தையை கண்டிக்குமாறு ஆசிரியரிடம் கேட்டதாகவும் அவர் தெரிவித்தார்.

முத்துகிருஷ்ணன் கமிஷன் பரிந்துரையைத் தொடர்ந்து, கடந்த 2007 ஆம் ஆண்டு மறைந்த முன்னாள் முதல்வர் மு. கருணாநிதி தலைமையிலான திமுக அரசு பள்ளிகளில் உடல் ரீதியான தண்டனையை தடை செய்தது என்பது குறிப்பிடத்தக்கது.