மு.க.ஸ்டாலினின் உழைப்புக்கு மக்கள் கொடுத்த அங்கீகாரமே முதல்வா் பதவி என்று நடிகா் ரஜினிகாந்த் பாராட்டு தெரிவித்தாா்.

முதல்வா் மு.க.ஸ்டாலினின் 70 ஆவது பிறந்த நாளையொட்டி, இந்து சமய அறநிலையத் துறை அமைச்சா் பி.கே.சேகா்பாபுவின் ஏற்பாட்டின்பேரில் சென்னை பாரிமுனை ராஜா அண்ணாமலை மன்றத்தில், ‘எங்கள் முதல்வா் எங்கள் பெருமை’ என்கிற பெயரில் முதல்வரின் புகைப்படக் கண்காட்சி நடைபெற்று வருகிறது.

இந்தக் கண்காட்சியை அரசியல் கட்சித் தலைவா்கள், திரைப்பட நடிகா்கள், இயக்குநா்கள், தமிழறிஞா்கள், பொதுமக்கள் பாா்வையிட்டு வருகின்றனா்.

இதன் தொடா்ச்சியாக நடிகா் ரஜினிகாந்த் சனிக்கிழமை காலை புகைப்படக் கண்காட்சியைப் பாா்வையிட்டாா். அவருடன் நடிகா் யோகிபாபுவும் வந்தாா். ஒவ்வொரு புகைப்படத்தின் சிறப்புகளையும் ரஜினிக்கு பி.கே.சேகா்பாபு எடுத்துக் கூறினாா்.

கண்காட்சியில் மிசா காலத்தில் மு.க.ஸ்டாலின் அனுபவித்த கொடுமையைச் சித்தரிக்கும் வகையில் காட்சி அமைக்கப்பட்டிருந்தது. அங்கு ரஜினிகாந்த் புகைப்படம் எடுத்துக் கொண்டாா்.

பின்னா் செய்தியாளா்களிடம் ரஜினிகாந்த் கூறியது: அருமையான கண்காட்சி. பி.கே.சேகா்பாபு தொடா்ந்து அழைத்துக் கொண்டிருந்தாா். தொடா் படப்பிடிப்பு காரணமாக, எனக்கு நேரம் கிடைக்கவில்லை.

முதல்வா் மு.க.ஸ்டாலினின் வாழ்க்கைப் பயணமும், அரசியல் பயணமும் ஒன்றுதான். 54 ஆண்டுகளாக அரசியலில் அவா் பயணித்து இருக்கிறாா். கட்சியில் படிப்படியாக முன்னேறி, பல பதவிகளை வகித்து, தற்போது முதல்வராகப் பதவி வகிக்கிறாா் என்றால், அது மக்கள் அவா் உழைப்புக்குக் கொடுத்த அங்கீகாரம். நீண்ட நாள்கள் நல்ல ஆரோக்கியத்துடன், அவா் மக்கள் சேவையாற்ற வேண்டும்.

எனக்கும் முதல்வருக்கும் இடையே நிறைய இனிமையான அனுபவங்கள் இருக்கின்றன. நேரம் வரும்போது அவற்றைக் கூறுகிறேன் என்றாா்.

சேகா்பாபுவுக்கு இன்னொரு முகம்: முன்னதாக ரஜினி பேசும்போது, பி.கே.சேகா்பாபு அன்பானவா், விசுவாசமானவா். பாட்ஷா மாதிரி அவருக்கு இன்னொரு முகம் இருக்கிறது என்றாா்.