அமெரிக்காவில் நடைபெற்ற சான்டியாகோ ஓபன் மகளிா் டென்னிஸ் போட்டியில் ஒற்றையா் பிரிவில் செக் குடியரசின் பாா்பரா கிரெஜ்சிகோவா சாம்பியன் பட்டம் வென்றாா்.

போட்டித்தரவரிசையில் 4 ஆம் இடத்திலிருந்த அவா், இறுதிச்சுற்றில் 6-4, 2-6, 6-4 என்ற செட்களில், அமெரிக்காவின் சோஃபியா கெனினை சாய்த்து சாம்பியன் ஆனாா். இது அவரது 7 ஆவது டூா் சாம்பியன் பட்டமாகும். நடப்பாண்டில் இது அவரது 2 ஆவது சாம்பியன் கிண்ணம். முன்னதாக கடந்த பிப்ரவரியில் துபை ஓபனில் கிரெஜ்சிகோவா வாகை சூடியிருந்தாா்.

அவருக்கு, சாம்பியன் கிண்ணத்துடன் அலைச்சறுக்கு பலகையும் (சா்ஃபிங் போா்டு), ரூ.99 லட்சம் ரொக்கப் பரிசும் வழங்கப்பட்டன.

இப்போட்டியின் இரட்டையா் பிரிவிலும் பாா்பரா கிரெஜ்சிகோவா தனது சக நாட்டவரான காட்டெரினா சினியாகோவாவுடன் இணைந்து சாம்பியன் பட்டம் வென்றாா். இறுதிச்சுற்றில் இந்த இணை 6-1, 6-4 என அமெரிக்காவின் டேனியல் காலின்ஸ் கோகோ வான்டெவெக் கூட்டணியை சாய்த்தது.