Post

Share this post

மஹிந்த மீண்டும் பிரதமர் – அதிசயம் இல்லை!

மஹிந்த ராஜபக்ஷ மீண்டும் பிரதமராக நியமிக்கப்பட்டாலும் அதில் அதிசயம் இல்லை என முன்னாள் அமைச்சர் பசில் ராஜபக்ஷ தெரிவித்துள்ளார்.
இது குறித்து ஊடகங்களிடம் கருத்து தெரிவித்த பசில், ஸ்ரீலங்கா பொதுஜன முன்னணியின் தலைவரான மஹிந்த ராஜபக்ஷ அழுத்தங்களுக்கு அடிபணிந்து பிரதமர் பதவியில் இருந்து விலகவில்லை என தெரிவித்த பசில், அவர் சுயவிருப்பின் பேரிலேயே பதவி விலகியதாகவும் கூறினார்.
அதோடு ஸ்ரீலங்கா பொதுஜன முன்னணியிடமே பெரும்பான்மைப் பலம் தொடர்ந்தும் உள்ளது. எனவே, பிரதமர் பதவியிலிருந்து விலகிய மஹிந்த ராஜபக்ஷ மீண்டும் பிரதமராகினாலும் அதிசயம் இல்லை என்றும் கூறினார்.
ஜனாதிபதி கோட்டாபய ராஜபக்ஷவின் சுயவிருப்பத்துக்கிணங்கவே புதிய பிரதமராக ரணில் விக்ரமசிங்க நியமிக்கப்பட்டதாக கூறிய பசில், ரணிலின் நியமனத்துக்கு ஸ்ரீலங்கா பொதுஜன முன்னணியினர் எதிர்ப்பு என்று அர்த்தம்கொள்ள முடியாது என்றும் தெரிவித்தார்.
மேலும் ஜனாதிபதி – பிரதமர் இணைந்து முன்னெடுக்கும் நாட்டின் முன்னேற்றகரமான அனைத்து நடவடிக்கைகளுக்கும் ஸ்ரீலங்கா பொதுஜன முன்னணி ஆதரவு வழங்கும் எனவும் பசில் ராஜபக்ஷ கூறியுள்ளார்.

Recent Posts

Leave a comment