காயம் காரணமாக அவதிப்பட்டு வந்த இந்திய கிரிக்கெட் அணியின் வேகப்பந்து வீச்சாளர் முகமது ஷமி அவுஸ்திரேலிய தொடரிலிருந்து விலகியுள்ளார்.

இந்திய அணியின் முக்கிய வேகப்பந்து வீச்சாளர் முகமது ஷமி, அவுஸ்திரேலியாவுக்கு எதிரான பார்டர்-கவாஸ்கர் டெஸ்ட் தொடரின் மீதமுள்ள இரண்டு போட்டிகளிலிருந்து விலகியுள்ளார்.

பிசிசிஐ வெளியிட்டுள்ள அறிக்கையின்படி, நீண்ட இடைவெளிக்குப் பிறகு மீண்டும் பந்துவீசத் தொடங்கியதால், ஷமியின் இடது முழங்காலில் வீக்கம் ஏற்பட்டுள்ளது.

தற்போதைய மருத்துவ மதிப்பீட்டின்படி, முழங்கால் முழுமையாக குணமடைய சில காலம் தேவைப்படும் என்பதால், இந்த முடிவு எடுக்கப்பட்டுள்ளது.

ஷமி தற்போது பிசிசிஐயின் சிறப்பு மருத்துவ குழுவின் மேற்பார்வையில் சிகிச்சை பெற்று வருகிறார்.

ஷமி, சமீபத்தில் நடைபெற்ற ரஞ்சி மற்றும் சையது முஷ்டாக் அலி கிண்ண தொடர்களில் சிறப்பாக செயல்பட்டிருந்தார்.

இதனால், அவுஸ்திரேலிய தொடரில் அவர் முக்கிய பங்கு வகிப்பார் என்று ரசிகர்கள் எதிர்பார்த்திருந்தனர். ஆனால், இந்த திடீர் விலகல் அவர்களுக்கு ஏமாற்றத்தை அளித்துள்ளது.