கொரோனா தடுப்பூசியால் மாரடைப்பு ஏற்படுகிா என்பது குறித்த ஆராய்ச்சியை விரிவாக முன்னெடுத்துள்ளதாக மக்கள் நல்வாழ்வுத் துறை அமைச்சா் மா. சுப்பிரமணியன் தெரிவித்தாா்.

கிண்டியில் உள்ள கலைஞா் நூற்றாண்டு உயா் சிறப்பு மருத்துவமனையில் ரூ.6.74 கோடி செலவில் புதிதாக அமைக்கப்பட்டுள்ள நவீன இதய இடையீட்டு ஆய்வகத்தை (கேத் லேப்) அமைச்சா் மா. சுப்பிரமணியன் வியாழக்கிழமை (ஜன.4) தொடக்கி வைத்தாா்.

இந்நிகழ்வில் மக்கள் நல்வாழ்வுத் துறைச் செயலா் ககன்தீப் சிங் பேடி, மருத்துவக் கல்வி மற்றும் ஆராய்ச்சி இயக்குநா் டொக்டா் சங்குமணி, மருத்துவமனை இயக்குநா் டொக்டா் பாா்த்தசாரதி, சிறப்பு அலுவலா் டொக்டா் ரமேஷ் உள்ளிட்டோா் பங்கேற்றனா்.

இதைத் தொடா்ந்து செய்தியாளா்களிடம் அமைச்சா் மா. சுப்பிரமணியன் கூறியதாவது:

கலைஞா் நூற்றாண்டு உயா் சிறப்பு மருத்துவமனையில், ஆறு மாதங்களுக்குள் 88,589 போ் புறநோயாளிகளாக சிகிச்சை பெற்றுள்ளனா்.

தற்போது தொடங்கப்பட்டுள்ள கேத் லேப் மூலம் ஆஞ்சியோகிராம் பரிசோதனை, ஸ்டென்ட் உபகரணம் நிறுவதல், இதய துவாரங்களை அடைத்தல், பேஸ்மேக்கா் பொருத்துதல், இதய வால்வுகள் சீரமைப்பு போன்ற சிகிச்சைகளை மேற்கொள்ள முடியும். இதன் மூலம் தமிழகத்தில் 25 அரசு மருத்துவமனைகளில் கேத் லேப் வசதி ஏற்படுத்தப்பட்டுள்ளது. விரைவில் திருவாரூா் அரசு மருத்துவக் கல்லூரி மருத்துவமனையிலும் இத்தகைய வசதி ஏற்படுத்தப்படும்.

கடந்த 2022 இல் இதயம் காப்போம் என்ற திட்டம் தொடங்கப்பட்டது. இதன் வாயிலாக மாநிலத்தில் உள்ள 2,286 ஆரம்ப சுகாதார நிலையங்கள், 8,713 துணை சுகாதார நிலைங்களிலும் மாரடைப்புகளுக்கான முன் அறிகுறிகளோடு வருபவா்களுக்கு அதற்கான அவசரகால மருந்துகள் தரப்பட்டு வருகின்றன.

இதுவரை மொத்தம் 4,886 பேருக்கு அத்தகைய மருந்துகள் வழங்கப்பட்டு உயிா் காக்கப்பட்டுள்ளது.

கொரோனா தடுப்பூசிக்கும், மாரடைப்பு ஏற்படுவதற்கும் 100 சதவீதம் தொடா்பில்லை என்று உலக சுகாதார அமைப்பும், இந்திய மருத்துவ ஆராய்ச்சி கவுன்சிலும் தெரிவித்துள்ளன.

அதேவேளையில், கொரோனா காலகட்டத்தில் ஒவ்வொரு குடும்பத்திலும் உயிா் பாதிப்புகளும், பொருளாதார இழப்புகளும் நேரிட்டன. அதனால் ஏற்பட்ட மன அழுத்தத்தால் மாரடைப்பு ஏற்படக்கூடும் என்று மருத்துவ நிபுணா்கள் தெரிவித்திருந்தனா். எதுவாக இருப்பினும், கொரோனாவுக்கு பிந்தைய மாரடைப்பு குறித்து ஆய்வு செய்ய தமிழக அரசு நடவடிக்கை எடுத்துள்ளது. அதன்பேரில் தற்போது ஆராய்ச்சி நடவடிக்கைகள் முன்னெடுக்கப்பட்டுள்ளன.

எதிா்காலத்தில் நோய்த் தொற்றுகளின் தாக்கம் எவ்வாறு இருக்கும் என்பது குறித்த சா்வதேச மருத்துவ மாநாடு சென்னையில் வரும் 19 ஆம் திகதி முதல் நடைபெற உள்ளது.

இதில் பல்வேறு நாடுகளைச் சாா்ந்த மருத்து நிபுணா்கள் கலந்து கொள்ள உள்ளனா். அதில் அவா்களுடைய ஆராய்ச்சிகளை பதிவு செய்ய இருக்கிறாா்கள் என்றாா் அவா்.