இலங்கை ரூபாவின் பெறுமதி தொடர்பில் மத்திய வங்கி அறிக்கை ஒன்றை வெளியிட்டுள்ளது. இதன்படி இந்த வருடத்தின் இதுவரையான காலப்பகுதியில் அமெரிக்க டொலருக்கு நிகரான இலங்கை ரூபாயின் பெறுமதி 9.1 வீதம் வலுவடைந்துள்ளதாக மத்திய வங்கி தெரிவித்துள்ளது.

இதேவேளை யூரோ, ஸ்ரேலிங் பவுண்ட், ஜப்பானிய யென் மற்றும் இந்திய ரூபாவுக்கு நிகராகவும் இலங்கை ரூபா வலுவடைந்துள்ளதாக தெரிவிக்கப்பட்டுள்ளது.

மேலும், மார்ச் மாத இறுதிக்குள், நாட்டின் மொத்த உத்தியோகபூர்வ கையிருப்பு 5 பில்லியன் அமெரிக்க டொலர்களாக அதிகரித்துள்ளதாகவும் கூறப்பட்டுள்ளது.