நடிகர் தனுஷிற்கும் நயன்தாராவிற்கும் இடையில் பல சர்ச்சைகளுக்கு மத்தியில் நெட்ஃப்ளிக்ஸ் தளத்தில் நயன்தாராவின் கல்யாண வீடியோ வெளியிடப்பட்டுள்ளது. இதற்கு நெட்டிசன்கள் கருத்து தெரிவித்து வருகின்றனர்.

தமிழ் திரையுலகின் முன்னணி நடிகையான நயன்தாரா இருந்து வருகின்றார். தமிழ் சினிமாவில் பிரபல இயக்குனராக இருப்பவர் விக்னேஷ் சிவன். இவர்கள் இருவரும் நானும் ரவுடி தான் என்ற திரைப்படத்தின் தொடக்கத்தில் இருந்து காதலித்து வந்தனர்.

இந்த நிலையில் இவர்கள் இருவரும் 2022-ஆம் ஆண்டு ஜூன் மாதம் 9-ஆம் தேதி திருமணம் செய்து கொண்டனர். சென்னை அருகே மாமல்லபுரத்தில் உள்ள தனியார் ரிசார்ட்டில் பிரமாண்டமாக திருமணம் நடைபெற்றது. திருமணத்தின் போது எடுக்கப்பட்ட வீடியோ வெளியாகாமல் இருந்தது.

தற்போது இந்த வீடியோ திருமண நிகழ்வுடன் சேர்த்து, நயன்தாரா – விக்னேஷ் சிவனின் காதல் வாழ்க்கை, Nayanthara: Beyond the Fairytale என்ற பெயரில் ஆவணப்படமாக தயாரானது.

2 ஆண்டுகளுக்கு மேலாக இந்த ஆவணப்படம் வெளியாகாததற்கு காரணம் நானும் ரவுடிதான் படத்தின் காட்சிகளை பயன்படுத்த, அந்த படத்தின் தயாரிப்பாளரும் நடிகருமான தனுஷ் அனுமதிக்கவில்லை என நயன்தாரா குற்றம் சாட்டியிருந்தார்.

இந்த வீடியோவில் டிரைலரில் 3 நொடி காட்சியை பயன்படுத்தியதற்கு தனுஷ் 10 கோடி ரூபாய் இழப்பீடு கேட்டு நோட்டீஸ் அனுப்பியுள்ளதாகவும் குறிப்பிட்டிருந்தார் நயன்தாரா.

இத்தனை பிரச்சனைகளுக்கும் மத்தியில் netflix India கணக்கிலிருந்து நயன்தாராவின் கல்யாண வீடியோ பகிரப்பட்டுள்ளது. இதில் நெட்டிசன்கள் தங்கள் கருத்துக்களை தெரிவித்து வருகின்றனர்.