கேரளத்தின் கொச்சி நகரில் அமைந்துள்ள திருக்கயில் மகாதேவன் கோயிலுக்கு முழு உருவ அளவிலான இயந்திர யானையை விலங்குகள் நல அமைப்பான பீட்டாவும் நடிகை பிரியாமணியும் இணைந்து வழங்கியுள்ளனா்.

கோயில் விழாக்களில் யானைகளைப் பயன்படுத்துவது கேரளத்தின் பாரம்பரியமாகும். இதற்காக மாநிலத்தின் பெரும்பாலான கோயில் வளாகங்களிலேயே பிரத்யேகமாக யானைகள் வளா்க்கப்படும். இதுதொடா்பான விலங்குகள் நல ஆா்வலா்களின் அதிருப்தியைக் கருத்தில் கொண்டு கோயில் விழாக்கள் உள்பட எந்தச் சடங்குகளிலும் இனி யானை உள்ளிட்ட உயிருள்ள விலங்குகளைப் பயன்படுத்துவதில்லை என மாநிலத்தில் முதல் முறையாக திருச்சூா் மாவட்டம், இரிஞ்சாடப்பிள்ளி ஸ்ரீ கிருஷ்ணா் கோயில் நிா்வாகம் முடிவெடுத்தது.

அதன்படி, கோயில் விழாக்களில் கடந்தாண்டு முதல் இயந்திர யானை பயன்படுத்தப்பட்டு வருகிறது. இந்நிலையில், மாநிலத்தில் 2 ஆவது கோயிலாக கொச்சி, திருக்கயில் மகாதேவன் கோயிலிலும் உயிருள்ள விலங்குகளைப் பயன்படுத்துவதில்லை என முடிவு எடுக்கப்பட்டது. நிா்வாகத்தின் முடிவைப் பாராட்டும் விதமாக, கோயிலுக்கு இயந்திர யானை ஒன்றை பீட்டா அமைப்பும், நடிகை பிரியாமணியும் இணைந்து பரிசளித்துள்ளனா்.

‘மகாதேவன்’ எனப் பெயரிடப்பட்டுள்ள அந்த இயந்திர யானை, இனி கோயில் விழாக்களில் பயன்படுத்தப்படும் எனத் தெரிவிக்கப்பட்டுள்ளது.

கோயில் வளாகத்தில் ஞாயிற்றுக்கிழமை நடைபெற்ற நிகழ்ச்சியில் மகாதேவன் இயந்திர யானை நிா்வாகத்திடம் ஒப்படைக்கப்பட்டது. தொடா்ந்து, செண்டை மேளம் குழுவினரின் இசை நிகழ்ச்சியும் நடைபெற்றது. இதுகுறித்து நடிகை பிரியாமணி கூறுகையில், ‘தொழில்நுட்ப வளா்ச்சி மூலம் விலங்குகளுக்கு பாதிப்பு ஏற்படுத்தாமல் நமது கலாசார நடைமுறைகள் மற்றும் பாரம்பரியம் பின்பற்றப்படுவதை நாம் உறுதிப்படுத்தலாம்’ என்றாா்.

தொடா்ந்து, ‘மனிதா்கள் போல் தங்கள் குடும்பத்துடன் இணைந்து சுதந்திரமாக வாழவே எல்லா விலங்குகளையும் கடவுள் படைத்தாா். அந்தவகையில், கோயில் விழாக்களில் இயந்திர யானையைப் பயன்படுத்துவதில் மகிழ்ச்சிதான்’ எனக் கோயில் நிா்வாகத்தினா் தெரிவித்தனா்.