ஐரோப்பிய ஒன்றியம் பேஸ்புக் மற்றும் இன்ஸ்டாகிராமில் முறையான விசாரணையைத் தொடங்கியுள்ளது.

மெட்டா நிறுவனத்திற்குச் சொந்தமான தளங்கள் குழந்தைகளுக்கு அடிமையாக்கும் நடத்தையை ஏற்படுத்துகின்றன என்ற சந்தேகத்தின் பேரில் இந்த விசாரணை ஆரம்பிக்கபப்ட்டுள்ளதாக தெரிவிக்கபப்டுகின்றது.

டிஜிட்டல் சேவைகள் சட்டம் (DSA) எனப்படும் மிகப்பெரிய சட்டத்தின் கீழ் இந்த ஆய்வு மேற்கொள்ளப்படுகிறது, இது உலகின் மிகப்பெரிய தொழில்நுட்ப நிறுவனங்களை ஆன்லைனில் ஐரோப்பிய பயனர்களைப் பாதுகாக்கவும் சட்டவிரோத உள்ளடக்கத்தை ஒடுக்கவும் கட்டாயப்படுத்துகிறது.

மெட்டா நிறுவனத்தின் இரண்டாவது விசாரணை இதுவாகும். கடந்த மாதம், ஐரோப்பிய ஒன்றியம் பேஸ்புக் மற்றும் இன்ஸ்டாகிராம் மீது விசாரணையைத் தொடங்கியது, தவறான தகவல்களைச் சமாளிக்கத் தவறிவிட்டதாக குற்றம் சாட்டியது.

இளம் ஐரோப்பியர்களின் உடல் மற்றும் மன ஆரோக்கியத்தில் ஏற்படும் பாதகமான விளைவுகளின் அபாயத்தைக் குறைப்பதற்காக இந்த விசாரணை நடத்தப்படுவதாக ஐரோப்பிய ஒன்றியம் கூறுகிறது.

அதேவேளை , இளம் பயனர்களைப் பாதுகாக்க மெட்டா செயல்படுவதாக மெட்டா செய்தித் தொடர்பாளர் தெரிவித்தார்.